Iara vom Wylerhof
26. 10 2001- 12.05. 2011

Liebi Iara
viu früecher, aus mr aui erwartet hei, hei mir di dr Wäg über d Rägebogebrügg müesse la ga. Mir hei viu zäme erläbt u e huufe gueti u o schwieregeri Zite mitenand düregmacht. Du bisch üsi erschti Zuchthündin gsih u hesch üs zwe wunderbari Würf gschänkt. Für das danke mir dir ganz härzlich.
O we mir vor emene Jahr e ganz e schwieregi Zit mitenand hei düregmacht, mir hei se zäme gmeischteret u de hei mir no es wunderschöns Jahr zäme gha.
I möcht dir für die schöne, wie o die schwierige Zite danke. Mir vermisse di fest u wärde di immer i üsem Härz bhaute!
"Wär bringt mr jitze am Morge zur Begrüssig dr Finke oder e Baue oder eifach was du grad gfunde hesch?
Wär chlopfet jitze de so fest mit em Schwanz uf e Bode, we me se aspricht, jitze wo du nümme da bisch?
U wär dräit sich jitze de sofort uf e Rügge, dass me se chräbbelet, we me näbe verbi louft?"
Iara du bisch einzigartig gsi u mir si dankbar für di 9 1/2 Jahr, wo mir mit dir hei dörfe erläbe!