Willkommen bei den Golden Rascals

Happy Birthday lieb A's

I möchte aune Bäris us mim erschte Wurf ganz herzlich zum 12. Geburtstag gratuliere. I hoffe dir chöit aui de bsundrig Tag gniesse u werdet so richtig verwöhnt!

Liebe Arlos, Henning, Amigo, Ali, Aisha, Alessa, Ambra und Lia

dir sit dr Afang vo mire Zucht  "of Golden Rascal" gsi, dir heit i mir ds Füür u d Liedeschaft für ds Züchte gweckt. U mit öiem hütige 12. Geburtstag tueni mi vom mir grosse Liedeschaft, em Züchte, verabschiede.

I ha wärend 10 Jahr,  9 Würf mit grosser Freud dörfe ufzieh. das wird mir immer i schöner Erinnerig bliiebe. S isch so schön gsi, bir Geburt dörfe derbi z si u das Wunder dörfe z erlebe we nöis Lebe i üsi Welt tritt, de die chline Wese dörfe gseh z wachse u de i die witi Welt schicke, was mr ganz ehrlich gseit nid immer liecht gfalle isch. Aber grad dür ds Züchte si o diversi Fründschafte entstande u da derfür möchte i aune ganz herzlich danke.

Es het aber halt wie bie auem nid nume Sunnesite gä u das isch mit e Grund, dass i mi jitze definitiv vom Züchte zruggzieh.

I ha lang mit mr grunge u immer wieder hin u her überleit u dr Entscheid isch mr gar nid liecht gfalle, obschon i scho churz nach em letschte Wurf all mini Welpesache witergä u -verchouft ha, aber irgendwie hani mi ersch jitz definitiv chönne entscheide.

I möchte allne Rascalbsitzer ganz herzlich danke, dass si eis vo mine Schlitzohre ufzoge u dür ds Lebe begleitet hei u immer no tüe.

I wünsche allne witerhin ganz viu Gfreuts mit ihrne vierbeinige Fründe

E liebe Gruess us Bluemestei 

Yolanda

u de Bäris vom A bis zum I Wurf ganz es herzlichs Chräbi vom Zuchtmami.

 

 




Yolanda Lüthi

Gantrischstrasse 5

3638 Blumenstein

033 356 34 69

goldenrascal@gmx.ch


 

 

 

Update

20.06.2015